G-Power

1.3-litrlik bu benzin turbomühərrik top-10 mühərriklərə təqdim edilən “China Heart” mükafatına layiq görülmüş Geely Auto-nun yeni mühərriklərindən ilkidir. Qabaqcıl texnologiyalar sayəsində 98 kVt gücə və 185 Nm fırlama anına malik bu kiçikölçülü qənaətcil mühərrik 1.8 litrlik atmosfer mühərriklə eyni gücə malikdir. Bu kiçikölçülü, lakin güclü mühərrik 3-cü nəsil Geely avtomobillərində, Emgrand GL və Emgrand GS modellərində istifadə olunur.

1.8TD  – 1.8-litrlik birbaşa püskürməli bu benzin turbomühərrik Geely Auto-nun flaqman mühərrikidir. Bu mühərrik birinci və ikinci nəsil modellərinə görə iki dəfə top-10 mühərriklərə təqdim edilən “China Heart” mükafatına layiq görülüb. Yüksək qənaətcilliyi ilə seçilən bu mühərrik CN/Avro 6 ekoloji standartlarına cavab verir və 135 kVt güc və 300 Nm fırlama anı hasil edir. Geely Auto-nun Emgrand GT və X7 Sport 3-cü nəsil flaqman modellərində istifadə olunur.

1.0TD – yeni superqənaətcil 1.0-litrlik üçsilindrli birbaşa püskürməli mühərrikdir. Bu, A0 sinfi nəzərə almaqla yaradılmış kiçikölçülü mühərrik, öz sinfi üçün çox yüngül, güclü və qənaətcildir, sərt CN/Avro 6 ekoloji tələblərə cavab verir. 100 kVt güc və 205 Nm fırlanma anına malikdir. Növbəti nəsil A0 və A00 sinif avtomobillərində istifadə olunacaq.

1.4T – 1.4-litrlik bir sıra üzrə düzülmüş dördsilindrli turbomühərrikdir. O, Geely tərəfindən sərt CN/Avro 6 tələblərinə cavab vermək və ən yüksək qənaətcilliyə nail olmaq üçün yaradılmışdır.

1.5TD – avtomobil sənayesində aparıcı mühərrik olmaq məqsədi ilə Geely Auto və Volvo Cars tərəfindən birgə hazırlanmış 1.5-litrlik, üçsilindrli yanacağın birbaşa püskürdülməsi sistemli turbomühərrikdir. Bu mühərrik hibrid güc qurğuları ilə uyğunlaşdırıla bilir və Geely və Volvo-nun birgə hazırladığı dünya səviyyəli CMA modul arxitekturasına və Geely Auto-nun digər modul arxitekturalarına quraşdırılıb. Yüksək qənaətcil bu mühərrik, CN/Euro 6 emissiya standartlarına cavab verməklə yanaşı həm də 265 Nm fırlama anı və 132 kVt güc hasil edir. Bu mühərrik Geely Auto-nun bütün istehsal xəttində, həmçinin LYNK & CO və Volvo-nun CMA bazalı modellərində istifadə olunur.

7DCT Geely-nin 7 pilləli, ikili muftalı avtomatik transmissiyasıdır. Avtomobil sənayesində yeni standart təyin etmək üçün yaradılmış 7DCT, sürətli və dəqiq ötürmələrlə yanaşı yüksək qənaətcilliyi təmin edir. Girişdə 330 Nm fırlama anına malik olmaqla o, özündə mexaniki və avtomatik transmissiyaların üstünlüklərini birləşdirir. aşağı yanacaq sərfiyyatını, fasiləsiz və cəld (0.3 saniyə ərzində) pillələrin dəyişməsini təmin edir. Nəzərə alsaq ki, adi 6 pilləli avtomatik sürətlər qutusu orta hesabla 98 kq çəkiyə malikdir, 75 kq-lıq 7DCT bu sahədə də yeni standart müəyyənləşdirir. Transmissiyanın hibrid versiyaları da mövcuddur. Yeni transmissiya Geely-nin 1.5TD və 1.8TD mühərrikləri ilə çalışmaq üçün yaradılmışdır.